--Ads--
BAGUIO CITY – Puntirya ti lokal a gobyerno ti Baguio a pabaruen dagiti sidewalks ken waiting sheds ditoy siudad.
Inlawlawag ni City Administrator Engr. Bonifacio Dela Peña a nasken a mapabaruan dagitoy gapta saan nga umno ken saan a maiyannatop ti disenyo dagitoy nangruna dagiti dadakkel a waiting sheds.
Kinunana nga un-unaenda nga ipaayan iti pasilidad dagiti kadawyan a turturongen dagiti tattao ken mangimuntarda metlaeng iti solar lights tapno maipanamnama ti seguridad dagiti agaramat kadagitoy nangruna iti rabii.
