--Ads--
BAGUIO CITY – Im-imbestigaran ita ti pulisya ti panakapapatay ti maysa a kapitan sadiay Bangued, Abra idi kanikadua.
Nabigbig daytoy a ni Lingtan Acting Punong Barangay Jason Bergonia Garcia, 34-anyos.
Maibasar iti report, imanmaneho ti kapitan ti maysa a trak iti kalsada ti Barangay Lipcan, Bangued idi killaat a pinalpaltogan daytoy ti saan pay a nabigbig a suspek iti namin dua a daras.
Natamaan ti ulo ti biktima a nagresulta iti dagus nga ipupusayna.
Naidungpar ti trak nga imanmaneho ti biktima iti maysa a balay iti igid ti kalsada nupay awan ti nadangran ken saan met laeng a nadangran ti kadwana iti nasao a lugan.
