Nakanselar ti panakarambak ti Barangay Day iti Baguio Convention Center and Cultural Center ita nga aldaw gapu iti mapaspasaran a bagyo a Kristine.
Iti panakiuman ti Bombo Radyo kenni Councilor Rocky Aliping, presidente ti Association of Barangay Councils Baguio, awan pay ti naituding nga aldaw para iti panakaangay ti Barangay Day iti siudad.
Sigun kenni Aliping, gapu ta nakanselar ti selebrasyon ket naiwaras ladta dagiti nakasaganan a taraon kadagiti 128 a barangays.
Innayonna pay nakasaganan ken nakaalerto dagiti barangay officials tapnu kitaenda ti masakupanda nangruna kadagiti high risk areas kas idiay City Camp Lagoon Area, Disrict 5 iti Bued River ken Balili River.
Kabayatanna, pinadayawan ni Aliping dagiti amin nga opisyal dagiti babbarangay gapu iti sakripisyo ken kinaalibtak dagitoy kadagiti panawen nga adda ti bagyo.
