Suksukimaten ti City Buildings and Architecture Office wenno CBAO ti panakarebba dagiti babbalay iti Loakan Airport, iti siudad gapu pay laeng ti panaglabsing dagitoy iti number ti stories a makaapektar ti seguridad ti operasyon ti Loakan Airport.
Iti panakiyuman ti Bombo Radyo kenni City Administrator iti Baguio City – Engineer Bonifacio Dela Peña kinunana nga adda dagiti masuksukimat a babalay iti nasao a lugar ken nasken a mademolish.
Mainaig iti daytoy, inlawlawag ni Engineer Dela Peña a temporaryo laeng ti panakasuspender ti operasyon ti Loakan Airport idi napalabas a lawas gapu iti saan a nasayaat a kasasaad ti panawen ken innayonna pay a nagsublin iti agdama ti operasyon.
Malaksid iti daytoy, pinasingkedan met ti opisyal a naisardeng ti road widening manipud Loakan paturong iti Kennon Road gapu ta nauneg daytoy a dalan wenno ruta para iti nasao a flight.
Kabayatanna, impaganetget pay ti opisyal a ti pannakaituloy ti road widening iti nasao a lugar ket nakadependar ti maipaay a pondo manipud iti National government.
