BAGUIO CITY – Masapol ti naan-anay a panakaadal iti panakasingir ti backcharges partikular iti business fees kadagiti negosyante iti Bases Conversion and Development Authority (BCDA) ken iti John Hay Management Corporation.
Iti panakiuman ti Bombo Radyo kenni Atty. Betty Lourdes Tabanda, Councilor iti Baguio City, adda ti karbengan ti siudad nga agsingir ti business charges kadagiti negosyo iti uneg ti Camp John Hay a maitunos iti nagnunumwan iti Bases Conversion and Development Authority (BCDA) ken iti City Government a katulagan nga addaan ti sangapulo ket siam (19) a conditionalities pakairamanan ti bingay ti siudad kadagiti rentals.
Inlawlawag ni Atty. Tabanda a nupay awan ti karbengan ti city government nga agkolektar ti tax kadagiti negosyante ket karbengan daytoy nga agsingir kadagiti business charges rason a masapol dagiti negosyante ti mangala metlaeng kadagiti business permitsda.
Ti importante laeng is the city will be able to have an inventory nu sino ti agnegnegosyante ijay uneg santo the city will impose the business fees required. dijay laeng ti pagtutungtungan koma.
Gapu ta saan nga immannugot ti Camp John Hay nga agsinger ti business fees ti city government kadagidi napalpalabas a tawen, masapol a masingir metlaeng dagiti backcharges.
Kaspangarigan makiddaw ti saanen a panakasinger dagiti backcharges, kinuna ni Atty. Tabanda a masapol a maadal daytoy gapu ta nu mapatgan ket masapol a sapasap tapno patas kadagiti daduma pay a pagpasyaran kas iti Wright Park, Mines View, ken daduma pay a nakapagbayad ti backcharges.
Nupay kasta, manarimaan paylaeng ti negosasyon dagiti maseknan nga opisyal seknan iti maikeddeng a pinal a mapagnunumwan seknan iti nasao a pakaseknan.//Bombo Rob Dominguez
