BAGUIO CITY – Panggep ti munisipyo ti Kibungan, Benguet a pagbalinen a “Rocky Wall of Beauties” ti tagline ti turismo dagitoy imbes a ti “Switzerland of Benguet.”
Segun kenni Charo Solimen, municipal tourism officer ti nasao a munisipyo, misleading ti sigud a tagline dagitoy isut gapuna a napimpintas a ti mangiladawan iti lugar dagitoy ti maputar a tagline ti Kibungan, Benguet.
Kinunana a maiyanotop ti “Rocky wall of beauties” sadiay gaputa masarakan iti lugarda dagiti bantay a nairangta para iti ‘Mountain Climbing.’
Impettengna a babaen iti daytoy ket mabalinda a makikompetensya kadagiti Asian Countries wenno saan ket iti intero a lubong.
Impanamnamana a saanda a baybay-an dagiti bambantay sadiay ken naingetda metlaeng nga ipatpatungpal dagiti ordinansa iti munisipyo.
