BAGUIO CITY – Manarimaan ti panagsukimat wenno inspeksion kadagiti hotel lodging ken boarding dormitories pakairamanan dagiti tenement houses ditoy syudad ti Baguio.
Sigun kenni City Permits and Licensing Division head Allan Abayao, babaen iti daytoy ket maipasigurado a sumursurot amin nga accommodation facilities kadagiti naipaulog a pagalagadan iti kinadalus, kinatalged ken dadduma pay a maikalkalikagum kadagitoy.
Inlawlawagna a gapu iti agdama a pandemya ket kasapulan metlang a sumurot dagiti agtagikua kadagiti establishmento iti minimum health standards pakairamanan dagiti agbalin a kliente dagitoy.
Dinakamatn a karaman kadagitoy a health standards iti pannakaimuntar iti alcohol para iti hand disinfection purposes, foot bath placemats, temperature scanners, ken information leaflets seknan iti Covid-19.
Innayon pay ni Abayao nga adda metten dagiti sumagmamano a namulta gapu iti panaglabsing dagitoy kadagiti naituding a minimum health standards kontra iti COVID-19.
