Kinondenar ni Vice President Sara Duterte ti panakasuspindir ni Cavite 4th district representative Francisco “Kiko” Barzaga.
Iti statement nga inruar ni Vice President Duterte, ti panakasuspindir ti nasao a kongresista ket paset dagiti tignay nga addaan panggep a mangpaulimek kadagiti kritiko iti gobyerno.
Dinakamat ti bise presidente dagiti banag a patienna a mangpanpaneknek iti daytoy kas ti maibagbaga a panakakidnap ni sigud a president Rodrigo Duterte ken dagiti naipila a sedition kadagiti daduma pay nga indibidwal a pakairamanan metlaeng daytoy.
Impettengna a ti freedom of speech ket maysa a constitutional right ken daytoy ket saan a rumbeng a maibilang kas maysa a pangta.
Innayonna a maysa a pagrebbengan ti maysa nga agserserbi iti publiko nga iwaragawag ti kinapudno ngem impaganetgetna a nu uray ti maysa nga adda iti serbisyo a kas kenni Barzaga ket mabalin a mapaulimek, anya pay nu dagiti ordinaryo a Pilipino.
Gapu iti dayta,impettengna kadagiti umili a salwadan dagitoy ti democratic freedom.