BAGUIO CITY – Agtultuloy ti imbestigasyon ti Itogon Municipal Police Station iti maysa a kaso ti panagtakaw ti P15.6 million a gatad ti balitok iti kadakelan a kompanya ti pagminasan sadiay Sitio Bagingey, Poblacion, Itogon, Benguet.
Nabigbig dagiti driver a da Radito Quinto, driver ken Benny Canor, Accounting Escort a mangideliver iti innem a pidaso ti gold button wenno balitok.
Maibasar iti imbestigasyon, tinawagan ti guard ti Itogon Suyoc Resources Incorporated, sadiay Sitio Trese, Poblacion, Itogon, Benguet ti opisina ti Itogon, Municipal Police Station nga adda ti napasamak a hold-up kadagiti ag-deliver iti nasao a balitok.
Iti salaysay dagiti biktima, nadlawda nga adda ti naipulat a bato iti pagdalanan dagitoy ken naklaatda kadagiti uppat nga armado a suspek nga addaan ti iggemda a rifles ken pistols ken nagdeklarada iti hold-up kadagiti biktima.
Kalpasan iti nasao nga insidente,inala dagiti suspek ti kagawaan dagiti biktima kas iti susi ti service ti luganda ket naglibas wenno nagturong dagiti suspek paturong sadiay Dalicno, Ampucao, Itogon.
Gapu iti daytoy, nangipatungpalda iti imbestigasyon iti nasao nga insidente ken nangipatungpalda iti checkpoint para iti posible a panakakemmeg dagiti suspek.
Impakaamo ken inpadanun ti OIC ti nasao nga insidente iti amin a Police Community Precinct (PCP) Personnel karaman ti Bokod MPS para iti panangipatungpalda iti checkpoint.
