BAGUIO CITY – Rinugianen ti Department of Tourism- Cordillera ti restoration ti Ifugao Rice Terraces gapu iti madadadael a buya daytoy.
Segun kenni DOT- Cordillera Regional Director Marie Venus Tan, babaen iti tulong dagiti nadumaduma nga ahensya ti gobyerno ken pribado a kompanya ket inot inot manen a maisubli ti napintas a buya daytoy nga immunan a nabigbig kas World Heritage Site.
Inlawlawag ti opisyal nga iti kanito a saan a mamulaan dagiti rice terraces sadiay ket mangitunda daytoy iti panagreggaay ti daga.
Impakaamona met a naadaanen iti katulagan ti Universal Harvester Incorporated ken ti Philippine Economic Zone Authority para iti pondo nga ipaay dagitoy a maaramat iti restoration dagiti rice terraces sadiay partikular ti Batad ken Banaue rice terraces.
Malaksid iti daytoy, panggep metlaeng ti DOT- CAR a maadaan iti Rev-bloom project ti probinsya ti Ifugao.
Kinunana a panggep dagitoy a pinturan ti walopulo a babbalay sadiay Batad.
Inayonna a mapinturan iti green dagiti atep bayat a brown met para iti diding dagitoy.