BAGUIO CITY – Agtultuloy ti panangwanawan ti Overseas Workers Welfare Administration (OWWA) – Cordillera kadagiti overseas Filipino workers (OFWs) a kayatnan ti agawid ditoy rehiyon gapu iti kimmaro a tension iti nagbaetan ti Pilipinas ken Kuwait.
Sigun kenni Denver Pasigon, Labor Communication’s Officer ti OWWA – Cordillera, awan pay laeng dagiti Cordilleran nga OFWs ti nagawid ditoy pagilyan.
Kinunana nga iti agdama ket ur-urayenda metlaeng ti pakdaar seknan iti total deployment ban dagiti OFWs sadiay Kuwait.
Innayona nga agtultuloy metlaeng ti Balik Pinas Program ti ahensya para kadagiti OFWs a nagsubli ditoy Pilipinas.
Maipalagip nga addan dagiti dadduma nga OFWs a nagawid ditoy pagilian gapu iti tension iti nagbaetan dagiti gobyerno ti Pilipinas ken Kuwait.
