BAGUIO CITY – Kidkiddawen ti ama ti Kabayan, Benguet ti panakawaswas ti panakaideklara ti Mount Pulag kas national park.
Segun kenni Mayor Gideon Todiano, daytoy ket gaputa agingga iti agdama ket adda latta dagiti parikut a sangsanguen ti munisipyo ken tapnu maisubli kadakuada ti maintenance ti nasao a bantay.
Kinunana a maysa kadagiti parikut dagitoy ket saan a naipaay ti umno a biang ti lokal a gobyerno ken ti nasyonal a gobyerno iti panakaimaton ti nasao a bantay.
Inayona a sipud naideklara a national parik ti Mt. Pulag ket saanda nga ammo ti umno a biang dagitoy nangrunata tunggal ada ti parikut ket dagitoy metlaeng ti mangsangsango ken ada pay dagiti gundaway nga agtitinudo dagitoy.
Kinunana a malaksid iti daytoy ket agrigrigat ti dua a barangay sadiay gaputa agingga iti agdama ket saan pay a naipaay kadakuada dagiti lote dagitoy.
Inlawlawagna a gapu metlaeng iti daytoy ket dumanon iti lima a milyon a pisos ti saan a nabayadan a buis gapu iti saan a panakarisut dagiti land claims sadiay.
————– Filipino translation ——–
BAGUIO CITY – Isinusulong ng ama ng Kabayan, Benguet ang pagpapawalang-bisa sa deklarasyon ng Mt. Pulag bilang national park.
Ayon kay Mayor Gideon Todiano, ito ay dahil hanggang ngayon, may mga problema pa ring kinakaharap ang lokal na pamahalaan kaugnay sa pamamalakad sa nasabing bundok.
Aniya, isa sa mga problema nila ay ang hindi malinaw na papel ng lokal na pamahalaan at nasyunal na pamahalaan sa pamamahala sa nasabing tourist spot.
Sinabi niya na mula nang maideklara na national park ang Mt. Pulag ay hindi nila alam kung ano ang kanilang papel lalo na at kung may problema doon ay sila naman ang humaharap dito.
Dagdag pa niya, nahihirapan sa ngayon ang dalawang barangay sa nasabing lugar dahil hanggang ngayon ay hindi pa rin nabibigay sa kanila ang lote ng mga ito.
Umaabot na rin umano sa limang milyong piso ang hindi nila nabayarang buwis dahil hindi pa nareresolba ang land claims doon.
