--Ads--
BAGUIO CITY – Al-allukuyen ti Department of Agriculture (DA) – Cordillera dagiti mannalon iti rehiyon tapnu maki-miembro dagitoy kadagiti organisasion ken kooperatiba dagiti mannalon.
Sigun kenni DA – Cordillera regional director Narciso Edillo, babaen iti daytoy ket agnumar dagiti mannalon kadagiti programa ken proyekto ti ahensia.
Inlawlawagna nga adda ti pagalagadan ti ahensiya a maipaayan laeng iti tulong ti maysa a mannalon no miembro daytoy ti maysa nga organisasyon wenno kooperatiba dagiti mannalon.
Innayonna pay nga agingga laengen inton Marso ti panangawat ti DA iti proposal manipud kadagiti mannalon para kadagiti proyekto ken programa ti DA inton sumaruno a tawen.
