Nagdardaras a rimmuar dagiti ginasgasut a tattao kadagiti pasdek kalpasan ti magnitude 7.6 a ginggined sadiay Panama City idi Biernes, Oktubre 9, 2026.
Sigun iti United States Geological Survey (USGS), nailista ti sentro ti ginggined iti agarup 10 a kilometro iti abagatan a laud ti Pitaloza Arriba iti probinsiya ti Herrera.
Napasamak daytoy iti kaadalem a 10 a kilometro.
Napasamak dagiti aftershock ken posible a pannakadadael kadagiti sumagmamano a lugar, pakairamanan dagiti probinsiya ti Herrera, Veraguas, ken Los Santos.
Gapu iti kapigsa ti ginggined, naipaulog ti pakdaar a posible a mapasamak ti tsunami iti dadduma a coastal areas ti Central ken South America.
Agtultuloy ti panangtingiting dagiti otoridad iti kalawa ti pannakadadael ken indagadagda iti publiko nga agtalinaed a kalmado ken agtungpal kadagiti opisial a pakdaar.
