BAGUIO CITY- Nagbalin a karit kadagiti miembro ti LGBTQIA+, ti panang-akseptar ti publiko kadakuada.
Iti pannakaiuman ti Bombo Radyo kenni Van Sanchez, LGBTQ Advocate manipud Baguio City, imbinglayna ti panagyammanna agsipud ta sumagmamano kadagiti umili iti siudad ti Baguio ti nakipaset ken nangsuportar iti kaleppas nga LGBTQ Pride Parade a naisayangkat idi Biernes, Abril dise nuebe.
Ti nasao a parade, ket nakipasetan dagiti innem a gasut pito pulo ket lima (675) a participants no sadino ditoyda nga impeksa dagiti pakaseknan dagitoy partikular ti panang-akseptar ti publiko kadakuada, gender advocate ken dadduma pay.
Sigun kenni Sanchez, nagbalin a karit kadakuada ti panang-aksiptar ti publiko isu’t gapuna a maisaysayangkat ti nasao a parade iti tunggal tawen tapno maikkan dagiti miembro ti LGBTQIA+, ti gundaway a mangiyebkas iti kaririknada.
Kabayatanna, innayon ni Sanchez nga adda dagiti sumagmamano a programa dagitoy kas ti free HIV screening, panangsuportar kadagiti senior citizen ken dadduma pay.
