Pimmusay ti dua nga indibidwal a pakairamanan iti maysa a nataenagn ken maysa nga ubing kalpasan nga inarado ti maysa a lugan dagiti tattao iti Christmas Market idiay Magdeburg, Germany.
Malaksid kadagiti pimmusay, adda metlaeng iti 15 a nagsagrap iti nakaro a panakadangran ken 68 a naapektaran.
Dagus met nga inarestar dagiti otoridad sadiay ti suspek nga agtawen iti 50, tubo iti Saudi Arabia, mangmangged kas doktor ken agnanaed idiay Germany sipud 2006.
Mainaig iti dayta, kinondenar met ti foreign ministry iti Saudi Arabia ti nasao a panagatake nu sadino, impeksa daytoy ti panakipagladingitda kadagiti kapamilya dagiti biktima.
Manamnama met a manayonan ti security staff iti nasao a Christmas Market para iti seguridad daytoy.
Iti agdama, manarimaan paylaeng ti imbestigasyon iti motibo iti suspek a saan pay nainaganan.
Mapapati a maymaysana idi inaramidna ti krimen ken awan ti nasarakan nga anyaman a klase iti explosive device iti lugan nga inaramat daytoy.
