Inlawlawag ti House Committee on Justice nga opsyonal laeng ti personal a panangatendar ni Vice Presidente Sara Duterte iti hearing ti nasao a komite seknan iti impeachment daytoy.
Sigun kenni Batangas Rep. Gerville “Jinky Bitrics” Luistro, dadaulo ti nasao a komite, imbitaranda ti bise presidente apaman a pormal a mangrugi ti hearing ngem nupay kasta, adda kenni Vice President Sara Duterte nu dumar-ay wenno saan.
Impetteng ni Luistro a ti panangpili a saan a dumar-ay iti hearing ket paset iti due process rights daytoy.
Inlawlawagna pay nga apaman a mangrugi ti nasao nga hearing, ditoy nga iparang dagiti complainant dagiti amin nge ebidensya kas paset iti proseso ti impeachment.
Kabayatanna, kasapulan ni Vice President Sara Duterte ti 28 a botos manipud iti miyembro ti komite tapno maala ti mayorya ken maipasa ti desisyon nu adda ti probable cause dagiti reklamo ken maipasa daytoy iti plenaryo ti Kamara.
Dinakamat met laeng ni Luistro a suksukimaten ti sumagmamano a mammanday-linteg ti Statements of Assets, Liabilities and Net Worth (SALN) ni Vice President Sara ken dagiti bank records daytoy kalpasan a makwestionaran ti saan nga agpada a deklarasyonnna kadagiti assets daytoy. //BomboKCS//
