Makukwestionar ti nagbalin a resulta ti Venezuela’s presidential election kalpasan a saan a maitunos dagiti nagduduma a survey iti official result.
Daytoy ket kalpasan nga inwaragawag ti national electoral security a napagtalinaed ni President Nicolas Maduro ti kinapresidentena para iti maikatlo a termino daytoy.
Nupay kasta, ado dagiti saan a mamati iti nagbalin a resulta agsipud ta maibasar iti Edison Research exit poll, ni presidential candidate Edmundo Gonzalez ti nakaala iti 65% a botos bayat a ni Maduro ket 31% kasta met nga iti patta-patta ti maysa a local firm ket posible a mangabak ni Gonzales iti 65% bayat a makaala ni Maduro iti 14% a botos.
Iti nasao a resulta, kinuna ni Argentine President Javier Milei a ti panangabak ni Maduro ket saan a pudno kasta met a saan daytoy nga inakseptar ti pagilian a Costa Rica ken Peru bayat nga impeksa ti pagilian a Chile a saanda nga akseptaren ti resulta a saan a naberipikar.
Nu pay kasta, kinablaawan ti pagilian a Honduras, Bolivia ken Russia ti panangabak ni Maduro nu sadino kinuna ni Russian President Vladimir Putin nga agtalinaed ti strategic partnership dagitoy.
