Ngimmato iti 870,000 metric tons a karne ti gatgatangen ti Pilipinas kadagiti dadduma a pagilian manipud Enero agingga Hunio 2026.
Nangatngato daytoy no idilig iti 778,100 MT iti kapada a bulan idi napalabas a tawen.
Maibasar iti datos, karne ti baboy ti kangrunaan nga ang-angkaten ti pagilian.
Kabayatanna, ngimmato metlaeng iti 14% ti panangangkat ti pagilian iti karne ti manok.
Malaksid iti dayta, nanayunan metlaeng ti panagangkaet ti pangilian iti karne ti baka.
Kangrunaan a suplayer ti karne ti pagilian idi Enero agingga Hunio ket ti pagilian a Brazil, sinaruno ti Amerika ken Australia.
Tapno mapalag-anan ti ngumatngato a presio ti karne ti baboy, nangipaulog ni President Marcos iti Executive Order 116 a nangipangato iti minimum access volume para iti imported a karne ti baboy agingga iti 204,210 MT manipud iti 54,210 MT nga import quota.