BAGUIO CITY – Sinukimat da Mayor Benjamin Magalong ken EMB-Cordillera Regional Director Ma. Victoria Abrera dagiti uppat a dadakkel nga establishimento ditoy siudad nga addaan ti kangatuan a waste water discharge.
Naamuan a dagiti rugit a danum ti Porta Vaga Mall ken Good Taste Restaurant ket nakadirekta iti Baguio Sewage Treatment Plant (BSTP) bayat a ti Baguio Center Mall ken Cooyeesan Hotel Plaza ket nakakonektar iti sewer line ti BSTP.
Immapela met ni Mayor Magalong kadagiti nasao nga establishimento ti panangaramid dagitoy iti bukodda a sewage treatment plant tapnu maksayan dagiti maiturturong a rugit a danum iti madaddadaelen a sewage treatment plant ti lokal a gobyerno.
Maitunos daytoy iti 10-point agenda ti mayor iti panakaisimpa ti aglawlaw ti siudad.
