--Ads--
Makitkita ita dagiti eksperto a posible nga ad-adda a mangpapigsa iti territorial claim ti China iti Taiwan ken iti South China Sea ti inaramid ni United States President Donald Trump a panang-atake iti Venezuela.
Sigun iti analyst, mabalin nga aramiden ti China a depensa ti inaramid ti Estados Unidos kaspangarigan matubngar daytoy kadagiti tignay nga ipatungpalna kadagiti masakupan ti ikalkalinteganna a teritoryona.
Ti ngamin tignay iti Estados Unidos a panang-atake iti Venezuela ken panangarestar iti presidente daytoy ket maibagbaga panaglabsing iti international law— argumento a kadawyan a maibatbato iti China tunggal agaramid daytoy iti tignay mainaig iti territorial claims na iti Taiwan, Tibet,ken iti East ken South China Sea.
