Insingasing ni Senator Robin Padilla ti panangbiag manen iti National Development Support Command wenno NADESCOM.
Sigun kenni Padilla, mabalin a temporaryo a maipaima iti NADESCOM dagiti flood control projects imbes a maisardeng ti panakaiyimplimintar dagitoy kagiddan ti panakaduktal nga adda dagiti maatap nga anomalya iti Department of Public Works and Highways(DPWH).
Maysa a pagtaltalkan dagiti Pilipino ti Armed Forces of the Philippines sigun kenni Padilla rason nga inruarna ti nasao nga out-of-the-box proposal.
Ti NADESCOM ket maysa a paset iti AFP a maibilang kas development arm.
Buklen daytoy dagiti military engineers ken specialized units nga addaan metlaeng iti kapasidad a mangipatungpal kadagiti infrastructure projects , development projects, ken daduma pay.
Nabukel daytoy idi 2006 nu sadino, nakikoordinar kadagiti private donors ken local development units tapno lapdan ti insurgency babaen iti panangibangonda kadagiti infrastructure development projects kadagiti rural areas.
Nupay kasta, nawswas daytoy idi 2012 sigun kenni Senator Padilla.
Kabayatanna, kinanunungan ni Senator Panfilo Lacson ti nasao a singasing nu sadino, kinunana a mabalin nga ikamang daytoy iti Palasyo Malacañang tapno maipaiyulog ti executive order.//Bombo Rob Dominguez
