--Ads--
Pinasingkedan manen ni President Ferdinand Marcos Jr ti panagkumit ti administrasionna a mangidepensa iti karbengan ti pagilian iti baet ti agtultuloy a kinaranggas ti China iti baybay a paset ti Pilipinas.
Daytoy ket sungbatna iti presenia ti barko ti China a maaw-awagan a “monster ship” a naideploy iti West Philippine Sea.
Sigun iti presidente, agtuloy nga ipatungpal dagiti kameng ti Philippine Navy ken Coast Guard ti mandato tapno maipasigurado a masalakniban ti teritorio ti Pilipinas iti tengga ti saan a nainkalintegan nga ar-aramiden ti China.
