Agtultuloy ti demand reduction iti marijuana plants idiay Kalinga, kasaruno ti saan nga agsardeng a panagmula dagiti sumagmamano a residente sadiay.
Iti pakiyuman ti Bombo Radyo kenni kenni Police Captain Ruff Manganip, kinunana a masya kadagiti pagtataudan ti pagbiagan dagiti sumagmamano a residente idiay Kalinga ti manangimula iti marijuana no idilig iti panangimulada iti nateng ken dadduma pay.
Sigun kenni Police Captain Manganip, saan nga agsardeng ti panakadiskubre dagiti marijuana plantasion ken ti ipatpatungpal dagitoy a marijuana eradication, gapu iti kina-fertile ti daga sadiay a rason iti napardas a panagdakkel dagiti nasao a mula.
Malaksid iti dayta, ti kinaawan iti trading post para kadagiti nateng ti makitkita ti nasao nga opisial a rason iti saan panagmula dagiti residente ti nateng, no sadino nangingina pay ti presio ti marijuana no idilig kadagiti nateng.
Kabayatanna, inaklon ni Police Captain Manganip a ti Marijuana oil ken dagiti dapu daytoy ti maysa kadagiti daydayu-en dagiti turista nga agturong idiay Kalinga, nangruna idiay Buscalan.
Iti baet daytoy, agtaltalinaed latta dagiti addang nga ipatpatunpal dagiti maseknan nga otoridad iti nasao a lugar nga addang a mangparmek iti panangimula ken panagilako iti nasao nga illegal a droga.//mp4
