Inrekomenda ti National Bureau of Investigastion (NBI) ti panangipila ti tallo a bilang ti grave threat ken maysa a bilang ti inciting to sedition kontra kenni Vice President Sara Duterte.
Daytoy ket kalpasan iti mapapati a panangpangta na kenni President Ferdinand, Marcos, Jr. , First Lady Liza Marcos, ken sigud a House Speaker Martin Romualdez.
Saan gamin nga inawat ti NBI ti pammalawag ni Vice President Sara a “conditional” laeng ti nagbalin a pangta daytoy.
Sigun iti nasao nga opisina, nalawag ti konstekto ti statement daytoy nga adda intensyon daytoy a mamutbuteng ken mangisawang iti seryoso a panagpangtana.
Malaksid iti dayta, inrekomenda metlaeng ti ahensiya ti kaso nga inciting to sedition seknan kadagiti statements ni Vice President Sara Duterte idi Oktobre ken Nobyembre idi 2024, no sadino inyebkasna ti mapapati a nalabes a gurana iti gobyerno ken opisyales daytoy.
Sigun met kadagiti sumagmamano a miyembro ti House Commitee on Justice, posible nga agserbi kas napateg nga ebidensya ti nasao nga affidavit iti impeachment proceedings kontra kenni Vice President Sara Duterte. //bombokaren.c.s
