BAGUIO CITY-Nagballaag ni Kenneth Nabus, General Services Officer Representative iti publiko a nasken nga ilasinda wenno isegragate dagitoy dagiti basurada.
Iti interview ti Bombo Radyo kinuna ni Nabus, a nagbalin a karit kadakuada ti panagkolektar kadagiti basura kadagiti nagduduma a barangay iti siudad ti Baguio ket ti saan a panangibelleng dagiti sumagmamano nga umili iti basura dagitoy iti umno a pagkargaan.
Pakairamanan daytoy ti napasamak itay laeng nabiit a panaglayus sadiay City Camp Lagoon a nangitunda iti pannakaiwara dagiti basura.
Kabayatanna, kinuna ni Nabus a bimmasit ti nakolektar dagitoy a basura no sadino 320 tons laeng ti nakolektar dagitoy bayat ti kaleppas a holy week.
Kinuna a bimmasit daytoy agsipud ta bassit metlaeng ti bilang dagiti turista a simmang-at iti siudad ti Baguio iti dayta a lawas.
Iti agdama, ket maur-uray paylaeng ti permit ti naipasdek nga e-waste sadiay Bakakeng Central tapno maacredit daytoy.//Rosemarie
