Patien ni Manila 3rd District Representative Joel Chua a saan a makaapektar kadagiti naipila nga impeachment complaints ti panangiwaragawag ni Vice President Sara Duterte iti panggep daytoy a tumaray kas presidente iti 2028 elections.
Sigun kenni Chua, kinumpirmar man wenno saan ti bise presidente ti panggepna a tumaray ket pagrebbengan ti Kamara a tingitingen dagiti naipila a reklamo kontra iti daytoy.
Impettengna a ti agbalin a desisyon ti lower house ket rumbeng a maibasar iti kinadagsen dagiti maiprisinta nga ebidensya.
Kagiddan dayta, kinuna ti manmanday-linteg a saanda a maseknan kaspangarigan ibaga ti kampo ti bise presidente a maysa laeng a panang-pulitika ti panakaipila dagiti impeachment complaints kontra kenkuana nangruna nu maipaima daytoy iti Senado.
