Suportado ti House prosecution panel ti singasing a maiyakar iti alas- tres ti malem ti impeachment trial ni Vice President Sara Duterte ken aramiden kas kanayunan nga aldaw ti Biyernes tapno adadda a mapapartak ti panagdengngeg.
Sigun kenni House impeachment team adviser ken spokesperson Ace Barbers, mabalin a maituding dagiti legislative work dagiti senador ken kongresista iti agsapa bayat a maiyakar iti malem ti impeachment trial.
Insingasing metlaeng ni Barbers a maaramat ti Biyernes kang kanayunan nga aldaw iti panagdengngeg.
Innayon daytoy a makatulong ti kanayunan nga aldaw tapno saan a dumanon iti manu a bulan ti trial ken maileppas daytoy iti kabiitan a panawen .
Kabayatanna, sinuportaran met ni Private Prosecutor Atty. Lorna Kapunan ti panagrugi ti trial iti alas-tres ni malem tapno maipatungpal nga umuna ti meeting dagiti legislative ken committee work iti agsapa sakbay nga agtuloy ti impeachment proceedings.//𝓴𝓬𝓼//