BAGUIO CITY – Umap-apela ti Mankayan Municipal Police Station kadagiti amin a barangay officials, saan laeng nga iti masakupanda tapnu tumulong dagitoy iti panakabantay dagiti pagadalan a masarakan iti lugar dagitoy.
Kasaruno daytoy ti dua nga insidente ti panagtakaw iti UCCP Christian Academy School ken iti Suyoc Elementary School a nakapuntiryaan dagiti desktop computers ken dadduma a gadgets ken electronics.
Sigun kenni PCI Ronnie Albino, dadaulo ti Mankayan PNP, kasapulanda ti kooperasyon dagiti barangay officials, pakairamanan dagiti Barangay Peacekeeping Action Teams tapnu tumulong dagitoy iti panakaipanamnama ti seguridad dagiti pagadalan.
Innayonna a saanda a kayat nga adda manen dagiti pagadalan a mabiktima dagiti nasao nga agtatakaw.
Impasiguradona pay nga ar-aramiden amin ti Mankayan PNP ti kabaelanda tapnu mabigbig dagiti suspek.
