![](https://img.bomboradyo.com/baguio/2021/05/tourism-workers-cordillera-5.jpg)
BAGUIO CITY – Agtultuloy ti panangtulong ti Department of Tourism (DOT) kadagiti stakeholders iti tourism sector ditoy rehion Cordillera a naapektaran iti agdama a pandemya gapu iti COVID-19.
Sigun kenni DOT-Cordillera Senior Operations Officer Sylvia Chinayog, adda ti ididiayada a loan assistance wenno pautang kadagiti tourism-related nga small and medium enterprises nga addaan ti akreditasyon iti DOT.
Kinunana a kasapulan laeng a mangipakita iti kaskenan a dokumento dagiti agtagikua kadagiti nasao a negosyo sakbayda a makapagnumar iti nasao a pautang.
Sigun kenkuana, dumanonen iti 28 nga indibidual ti nagaplikar iti nasao a loan assistance ken 13 kadagitoy a nakaipalusposan ti nasurok P5.88-M.
Impanamnamana a sumaruno dagiti nabatbati a nagaplikar iti kapada a programa nangruna ta naipaay metten ti notice a mangipalpalubos iti panakaited ti inutang dagitoy.
VC CHINAYOG 1 (ni DOT-Cordillera Senior Operations Officer Sylvia Chinayog)
Kabayatanna, dinakamatna a nangilatang ti DOT-Cordillera iti nasurok P161.72-M a maiwaras kas tulong pinansial kadagiti trabahador iti sektor ti turismo ditoy Cordillera a naapektaran iti agdama a pandemya.
Kinunana nga agnumar iti nasao a pondo ti 32,000 a trabahador iti sektor ti turismo ditoy rehiyon tapnu matungpal ti tourism recovery action plan ti DOT iti panakibinnadang ti Department of Labor and Employment.
Innayonna pay a makaawat ti tunggal trabahador iti sektor ti turismo iti P5,000 ken addan ti naiwarasda nga P82-M kadagiti nasurok 16,500 a tourism workers iti Cordillera.
VC CHINAYOG 2 (ni DOT-Cordillera Senior Operations Officer Sylvia Chinayog)