Panangwanawan ni Baguio Mayor Benjamin Magalong iti sitwasyon ti siudad iti baet ti panagpositibona iti COVID-19, naipasigurado

BAGUIO CITY – Maipaspasidong ita iti isolation ni Baguio City Mayor Benjamin Magalong kalpasan a nagpositibo iti COVID-19.

Maibasar iti official statement nga impablaakna iti social media, imbinglayna a malem idi Biyernes a ket rimwar ti resulta ti RT-PCR test daytoy ken nailanad a positibo daytoy iti COVID-19.

Nupay kasta, impasiguradona nga ituloyna latta ti nainget a panangwanawanna iti sitwasyon ti siudad ken ti panakikoordinarna kadagiti maseknan para iti panakatungpal dagiti nasken a maaramid.

Innayonna a manarimaan ti contact tracing kadagiti nakapulpulapolna.

Kagiddan iti daytoy ket inyapelana manen ti panagtungpal ti amin iti minimum public health standards tapnu saan nga ad-adda nga agwaras ti COVID-19 ditoy lokalidad.