![](https://img.bomboradyo.com/baguio/2020/11/baeyens.jpg)
BAGUIO CITY – Nakasaganan ni Miss Earth Philippines 2020 Roxanne Allison Baeyens para iti maudi a paset ti Miss Earth 2020 a maangay babaen iti virtual inton November 29.
Sigun iti Igorota beauty queen manipud Baguio City, isagsagananan ti boses ken kapanunutanna kadagiti agbalin a damag ken sungbatna iti question and answer portion malaksid pay iti panagsangona iti kamera nangruna ta virtual ti maisayangkat a pageant.
Dinakamatna a bentahena manipud kadagiti dadduma a kandidata ti panagbalinna nga anak ti maysa nga environmentalist.
Imbingay ti Filipina-Belgian nga ubing paylaeng daytoy ket napadasannan ti nagmula ken ammonan ti responsibilidadna iti nakaparsua-an.
Impettengna a ti responsibilidad iti nakaparsua-an ket saan laeng nga iti pannarita, ngem ketdi, iti puso ken aramid.
Pinagyamanan pay ti eco-angel ti maaw-awatna nga ayat ken suporta ti publiko.