BAGUIO CITY – Napaglibakan ti panggep ti Dept. of Public Works and Highways (DPWH) a panaka-pukan ti 36 a kaykayo ti Home Sweet Home Compound iti paset ti Governor Pack Road.
nagtaud ti nasao nga isyu manipod iti pakaseknan ti Congregation of the Immaculate Heart of Mary (CICM) nu sadinno impeksada ti panagtubngarda iti daytoy.
gapu iti daytoy, naisayangkat ti panagtataripnong dagiti maseknan nga ahensia karaman ni Mayor Benjamin Magalong idi kalman.
Imbinglay ni City Environment Management Officer Rhenan Diwas a nailawlawag iti naangay a taripnong nga awan ti naipaay a clearance wenno pamalubos iti panakapukan dagiti nasao a kayo iti nasao a lugar ken awan ti aplikasyon a naawat dagitoy.
Imbinglayna a ti laeng kaudian a naipaayan iti clearance tapnu mapukan ket dagiti innem a kayo iti paset ti Baguio General Hospital Rotunda.
Inaplayan ti BCDEO ti nasao a clearance kalpasan naberipikar dagitoy a paset daytoy ti road right-of-way ken maap-apektaran iti manarimaan a road widening project.
