BAGUIO CITY – Bassit ti posibilidad a matungpal ti mapaplano a panakaibangon dagiti piggery houses wenno pagtaraknan ti baboy ditoy siudad ti Baguio.
Iti interview ti Bombo Radyo Baguio, kinuna ni City Veterinarian Dr. Brigit Piok a daytoy ket gaputa bassit wenno dumanon laeng iti 16 dagiti nabigbig nga agricultural lands ditoy siudad.
Kinunana a kaaduan kadagiti naiparikep a pagtaraknan ti baboy ditoy siudad ket masarakan kadagiti residential areas wenno kabalbalayan isut gapuna a saan a mabalin a maipatungpal ti nasao a plano.
Sigun kenkuana, mangitunda laeng iti polusyon iti angin ken danum no maipalubos manen ti panagtaraken ti baboy ditoy siudad.
Maipalagip a naplano ti panakipatang ti lokal a gobyerno ti Baguio kadagiti maseknan nga ahensia ti gobyerno kas iti Department of Agriculture tapnu pagsaritaanda ti panakaisubli ti panagtaraken ti baboy ditoy siudad tapnu masolusyonan ti panagkurang iti suplay ti baboy iti lokalidad.
ni City Veterinarian Dr. Brigit Piok
