BAGUIO CITY – Inkari dagiti panglakayen a kabagyan ti biktima iti insidente ti bullying iti Pinget National Highschool nga awan ti aramidenda a panangdangran ken panagibales.
Inlawlawag ni John Rey Mananeng, SK Chairman ti Baguio City a saan a nagtaud kadagiti sumagmamano a maseknan a panglakayen sadiay Kalinga ti agwarwaras iti social media nga adda ti mapasamak a panagibales kadagiti bully.
Innayonna a nawaya ti maseknan a tribu a mangaramid iti cultural heritage act dagitoy a kas iti buddong no kasapulan.
Nupay kasta, inyunay-unayna a nagkomit dagiti masekan a tribu manipud sadiay Kalinga a kayatda a marisut ti nasao a kaso iti nalatna ken legal a wagas.
Iti agdama, manarimaan paylaeng ti imbestigasyon ken fact finding iti nasao nga insidente ti bullying.
Impeksa ni Mananeng a dumalan ti kaso iti umno ken legal a proseso.//mp4