Binabalaw ni International Criminal Court (ICC) Chief Prosecutor Karim Khan ti nagbalin a pangngeddeng iti temporario a pannakasuspindirna iti pagrebbenganna, a sigun kenkuana ket panaglabsing kadagiti proseso iti korte ken awanan iti umno a basaran.
Iti kaunaan a public statement ti opisial kalpasan ti pannakasuspindirna, kinuna ni Khan iti maysa a telebision, saan a nainkalintegan, ken panaglabsing iti linteg ti nagbalin nga addang iti ICC oversight body.
Sigun kadagiti report, ti pannakasuspindir ket maipapan iti alegasion iti saan a maitunos a relasion ni Khan iti maysa a junior staff member.Nupay kasta, impaganetget iti kampona a saan nga umdas ti ebidensia tapno mapaneknekan a pudno ti alegasion.
Naituding a pagbutosan iti 125-member Assembly of States Parties idiay New York inton Hulio 24 ti agbalin a panggeddeng kenni Khan iti ICC.
