Kiniddaw ni sigud nga Executive Secretary Vic Rodriguez iti korte suprema a maibasura ti pangeddeng ti Senate impeachment court a maibaba ti bilang ti threshold iti pannakakonbiktar ni Vice President Sara Duterte.
Sigun iti sigud nga opisial ti palasyo, inkeddeng ti Konstitusion ti voting threshold a two-thirds kadagiti amin a kameng ti Senado.
Gapu iti dayta, rumbeng a 16 no mabilang amin dagiti 24 a senador.
Nupay kasta, uppat a senador ti alanganen a dumar-ay iti aldaw ti panagbotos dagitoy.
Agpada a nakabalud iti Quezon City Jail gapu iti kaso a plunder da Senador Jinggoy Estrada ken Rodante Marcoleta.
Malaksid iti dayta, nailaylayun ti medical leave ni Sen. Loren Legarda idiay France nga im-imbestigasyon met ti Ombudsman gapu iti kaso a plunder ken graft.
Kamaudiananna, aglemlemmeng ni Sen. Bato dela Rosa kalpasan nga impaulog ti International Criminal Court (ICC) ti arrest warrant kontra kenkuana mainaig iti war on drugs ti napalabas nga administrasyon.
