Tinagibassit ni sigud a senator Antonio Trillanes IV idi kalman ti pangta ni sigud a presidential spokesman Harry Roque nga mangipila daytoy ti “counter-charge” wenno kaso kontra kenkuana
Sigun kenni Trillanes, kasapulan pay a sumrek iti “law school” ni Roque sakbay a mangipila ti “counter-charges” tapno saan a maibabain daytoy.
Ni Trillanes ket nangipila gamin ti libel ken cyberlibel a kaso kontra kenni Roque iti Quezon City prosecutor’s office.
Nupay kasta, impasigurado ni Roque a kasuanna ni Trillanes gapu iti saanna a panagbalin a matalek iti republika ti Pilipinas.
Itay laeng nabiit, pinaayaban ti piskal ti Quezon City da Roque ken ti vlogger Byron Cristobal iti preliminary hearing.
Ngem sigun kenni Roques, awan pay ti naawatna a subpoena.
Mamati ni Trillanes a ti akusasion kontra kenkuana iti social media platforms ket mainaig iti maatap a panangilakona ti ” Panatag Shoal iti China.
Idi laeng 2017, pinunas ti opisina iti Ombudsman dagiti nagan da president Benigno Aquino III ken Trillanes iti kaso a treason ken iti pannakipasetda iti backchannel negotiations iti China tapno marisut ti Panatag Shoal standoff idi 2012.
