Nagballaag ti opisina ti Civil Defense kadagiti local government units sadiay Ilocos Region, Cagayan Valley ken Central Luzon tapno agsagana dagitoy gapu iti posible a ginggined ken tsunami evacuation plans kalpasan ti napasaran a ginggined idiay Ilocos Sur itay nabiit.
Sigun kenni Office of the Civil Defense Administrator ken Executive Director of the National Disaster Risk Reduction and Management Council Undersecretary Ariel Nepomuceno a daytoy ket tapno masigurado a nakasagana dagitoy iti pangta ti tsunami.
Gapu iti dayta, nainget ti panagmonitor dagitoy nangruna kadagiti asideg iti baybay.
Maidagdagadag met kadagiti residente nga agbalin a naridam ken updated kadagiti mapaspasamak iti aglawlaw tapno nakasagana dagitoy iti kanito nga adda ti didigra.