Matingtingiting itan ti pannakaipropose ti pannaka- ban dagiti teknolohiya/social media nga accessible iti amin pakairamanan dagiti ubbing iti pagilian a Pilipinas.
Sigun kenni Congressman Mauricio Domoga, addun dagiti inawaganna nga ‘aguuyong’ gapu laeng kadagitoy.
Kabayatanna, saan daytoy nga umanamong a bumaba ti tawen dagiti minors a mabalin a makasoan ngem impetteng daytoy a nasken a ma-emphasize dagiti obligasyon dagiti nagannak kas umuna a mannursuro dagiti ubbing.
Inlawlawag ni Domogan a nasken a tingitingen a nalaing nu anya ti posible a pannusa wenno dadduma nga aspeto a mabalin a maiyaplikar malaksid iti panangibaba iti tawen para kadagiti mabalin a mapatawan ti criminal penalties a menor de edad.
Impettengna pay a kasapulan a maamuwan nu umdas ti rason a maibaba daytoy.
Kabayatannam impeksa daytoy a maysa kadagiti nasken a kitaen ket ti epekto dagiti teknolohiya nangnangruna iti selpon gapu ta adu dagiti programa ken dadduma pay a saan kuma a rumbeng a ma-access ti maysa nga ubing.
Impettengna a nasken nga adalen daytoy gaputa nadagsen daytoy nga isyu saan laeng nga iti pagilian a Pilipinas ngem uray iti sangalubongan. //BomboNovehOrgano
