--Ads--
Impetteng ni Vice President Sara Duterte a ti panangimbistigar ti National Bureau of Investigation’s (NBI) iti posible a panaglabsingna iti Anti-Terrorism Act ket nairanta a tapno ma-access dagitoy dagiti sanikuana.
Insawangna daytoy bayat ti press conference idi laeng kalman.
Sigun kenni Duterte, kapada metlaeng daytoy ti napasamak kenni suspended Negros Oriental congressman Arnolfo “Arnie” Teves Jr.
Kinunana nga iti kanito a mapilaan daytoy iti kaso ket maifreeze dagiti kwarta ken aniaman a sanikua no sadino saan a mabalin a gastusin ti bukodmo a kwarta ken saan metlaeng a makastrek kadagiti bukod a sanikua.
Kabayatanna, inlawlawagna metlaeng a ti assassination statement daytoy ket saan a pangta.
