Balligi para kenni Senador Ronald “Bato” Dela Rosa ti pannakaaprobar ti mosion a maisubli dagiti articles of impeachment kontra kenni Vice President Sara Duterte a saan a madismisar wenno materminate dagitoy.
Sigun kenkuana, pammaneknek nga immanamong dagiti senator-judges a “constitutionally infirm” ti impeachment court.
Idi laeng kalman, nag-convene ti Senado kas maysa nga impeachment court kalpasan a nagsapata dagiti senador kas senator-judges ken maysa nga aldaw kalpasan a nagsapata ni Senate President Francis “Chiz” Escudero kas presiding officer iti trial.
Kabayatanna, maipalagip a na-impeached ni Vice President Sara Duterte iti Kamara idi Pebrero kalpasan a nagpirma dagiti kameng ti Kamara iti maikapat nga impeachment complaint kontra kenkuana.
