Indagadag ni Palestine’s Ambassador to the Philippines Mounir Anastas iti gobierno ti Pilipinas a guyuguyenna ti Israel a mangrisut iti humanitarian crisis idiay Gaza.
Sigun kenni Anastas, rumbeng nga iyaplikar ti Pilipinas ti sumagmamano a “pressure” tapno raemen ti Israel ti humanitarian crisis idiay Gaza.
Pagyamyamanan met latta ni Anastas ti gobierno nangruna kenni President Ferdinand Marcos Jr. gaputa indagadagna ti panagsardeng ti gubat ken panangipaay ti tulong idiay Gaza.
Maipalagip a bayat ti maikadua nga ASEAN–Gulf Cooperation Council (GCC) Summit idiay Malaysia idi Mayo 27, inyebkas ni President Ferdinand Marcos Jr. ti pakaseknanna iti military operation ti Israel idiay Gaza Strip, a nagresulta iti agtultuloy a panagngato ti ipapatay dagiti sibilian, agraman dagiti babbai ken ubbing.
