Isaksakad ti maysa a kongresista ti pannakabiag ti death penalty iti pagilian a Pilipinas kasaruno ti panakapapatay ti senior citizen a family driver iti Edsa-Ayala tunnel idiay Makati City idi Mayo 21.
Sigun kenni Surigao del Norte 2nd District Representative Robert Ace Barbers, panawenen tapno maisubli ti death penalty iti pagilian tapno madusa dagiti agar-aramid ti krimen.
“Another senseless death, victim of road rage. Another Chinese lording it over simple Filipinos. The country has become a breeding ground of criminals, terrorists, spies, sleeper cells. We have become the laughing stock of the world,” kinuna ni Barbers.
Kinunana a sumagmamano kadagiti kriminal ti makaluslusot iti linteg gapu ta adda ti kwarta ken maimpluwensiya dagitoy.
“Our system has gone berserk. Corruption from the lowest ranking employees who facilitate or ‘fixes’ transactions for a fee, to the high-ranking officials in government who allow and empower the criminals to live among us, has enabled these criminals to run their wares with impunity,” innayon ni Barbers.
Maipalagip nga idi Mayo 21, maysa a Chinese nga agnagan ti Gerard Raymund Yu ti nangpaltog iti inosente a Pilipino a ni Aniceto Mateo, 65-anyos.
Dagus met a tiniliw dagiti otoridad ti suspek idiay Pasig City.
Maipalagip nga idi 2006 ket naikkat ti death penalty iti pagilian bayat ti termino ni sigud a president Gloria Macapagal-Arroyo.
