Inwaragawag ni John Rey Mananeng, SK Chairman ti Baguio City a seryoso ti siudad ti Baguio a mangsalaknib kadagiti ubbing isu’t gapuna a saanda nga umanamong iti pannakaibaba iti criminal liability dagiti minor de edad.
Iti pannakiuman ti Bombo Radyo kenkuana, kinunana a nasayaat a matutukan ken maay-wanan dagiti ubbing tapno saanda a makaaramid iti kinarangas a kas iti bullying.
Impeksana nga imbes a maibaba ti criminal liability, mabalin metlaeng a mangaramid iti estratihiya no kasano a madisiplinaan dagiti ubbing.
“Sunga diyay isay-sayangkat ni Apo Senator Robin Padilla, kat hantayo nga umanugot idiyay niya, instead nga ikriminalize tayo dagiti minors nga mangar-aramid iti kakasdiay, ket surwan tayo pay kitdi tapno ti kasta ket haan nga madadael met iti future da ta narigat met nga ibalod tayo isuda, at the young age kat agbalin daytan, nga lamat, forever, iti ubing niya, nga at the young age, maayaban ka nga prisoner, maayaban ka nga ex-convict. So we are also killing the right of our children for their protection.”sigun kenni Mananeng
Kabayatanna, kinuna ni Mananeng nga adda ti generational change kadagiti estratihiya ti panangdesiplina idi ken iti agdama a henerasyon.
Sigun kenkuana, adda ti dadduma a wagas a panangdisiplina kadagiti ubbing ita a henerayson malaksid iti biolente a wagas.
Inyunay-unay ti opisial a nasaayat nga adda ti close communication ti anak ken dagiti nagannak daytoy tapno dagus a madisiplinaan ti maysa nga ubing.//mp4
