BAGUIO CITY – Manamnama a maaddaan iti bukod a produksyon ti longganisa ken nadumaduma a produkto iti karne ditoy Baguio City.
Kasaruno daytoy iti pannakaiturn over ti maysa a Meat Processing Facility ditoy syudad babaen iti Baguio City Farmers Association.
Naipaay daytoy iti sidong ti Balik Probinsya program ti Department of Trade and Industry kasta metten iti tulong ti lokal a gobierno ti Baguio City.
Sigun ken Atty Samuel Gallardo, Provincial Director ti DTI Baguio-Benguet, ti pasilidad ket napondoan iti 3.07 million pesos.
Kinunana a panggep ti proyekto a mapasayaat ti kalidad dagiti karne nga agtataud ditoy siudad, mabigbig ti siudad kas maysa a source iti high quality meat products kasta metten a makatulong kadagiti Micro Small and Medium Enterprises (MSMESs) a maadaan iti livelihood para iti pamilyada.
Kabayatanna, inyebkas met ni Dr. Bridgit Piok, Board of Director ken Chairman ti Baguio City Farmers Association iti panagyamanna iti naipaay a pasilibidad para iti pagrugianda a livelihood.
Impeksana nga ita metlaeng a tawen ket makaaramidda iti longganisa product kalpasan iti naituding a training dagiti miyembro ti nasao nga asosasyon.
Dinakamatna a rugianda pay iti produksyon ti longganisa manipud iti karne ti baboy sumaruno ti manok ken daduma pay.
Impanamnamana met nga umdas iti supply ti karne a maaramatda para iti nasao a produkto.
Inayonna a pakaibilangan iti services ti pasilidad ket iti grinding, chopping, slicing ti bacon para iti samgyupsal ken daduma pay.
Ti meat processing facility ket masarakan sadiay Slaughter Compound, Baguio City ken pagnumaran iti agarup 70 members iti nasao nga asosasyon.
Kabayatanna, nagpinirma metten ti DTI, lokal a gobierno ti Baguio ken iti nasao nga asosasyon iti memorandum of agreement para iti panakaiturned-over iti meat processing facility kasta metten iti maintenance daytoy.
