Mapangpanggep a maibangon ti maysa nga airbase ken naval station idiay Balabac, Palawan, sigun kenni Defence Secretary Gilbert “Gibo” Teodoro idi kalman.
Bayat ti interview ti media kenkuana, kinunana a karaman kadagiti ibangonda ket ti joint-use runway nga aramaten ti Philippine Air Force (PAF) ken Civil Aviation Authority of the Philippines (CAAP).
Sigun kenni Teodoro, ti Balabac ket agserbi kas strategic location para iti pagilian iti lugar a masansan a pagpagnaan dagiti ganggannaet a barko, agraman dagiti taga-China.
Ti Balabac ket maysa kadagiti kadakkelan nga isla iti abagatan a laud ti Pilipinas.
Ti pannakaibangon ti naval station ket nakadepende iti pondo ti gobierno.
Malaksid iti nasao a konstruksion, panggep met ti Western Command (WESCOM) ken Philippine Air Force (PAF) ti pannakaibangon ti maysa a health center iti nasao a munisipio tapno marisut ti kasapulan dagiti residente nangruna ti maipapan iti salun-at.
