--Ads--
Inlawlawag ni Philippine National Security Adviser Eduardo Año a ti pannakaideploy ti Typhon missile system ket panagregget tapno mapapigsa ti “defense systems” ti Pilipinas ken saan a mangestimar ti seguridad ti dadduma a pagilian.
Sigun kenni Año, adda karbengan ti Pilipinas a mangikeddeng kadagiti nasayaat nga addang iti national security.
Maipalagip a kinuna ti China a ti desision ti Pilipinas a mangikabil kadagiti Typhon missiles ket agpeggad iti rehion ken masapul nga agsubli ti Pilipinas iti “natalna a panagdur-as.”
Nupay kasta, kinuna ni Philippines Defense Secretary Gilberto Teodoro Jr. a ti deployment ti Typhon missiles ket lehitimo, ligal ken “beyond reproach.”
