BAGUIO CITY – Guyguyuguyen dagiti Katoliko iti Baguio-Benguet Parish renewal experience dagiti meimbro dagitoy ken dadduma a mangkayat nga agkawes ti puraw tunggal Domingo.
Maaw-awis metlaeng dagitoy nga agikabilda ti puraw a ribbon iti pagtaenganda.
Iti interview ti Bombo Radyo kenni Agnes Montoya, Miembro ti Baguio-Benguet Parish Renewal Experience kinunana a paset daytoy iti suportada kontra iti korapsion iti pagilian.
Sigun kenkuana, maisingsingasing nga agkawes dagiti Katoliko iti puraw a bado ken agikabilda iti puraw a ribon iti barukong a paset ti badu dagitoy.
Mangrugi daytoy ita a bulan agingga Nobiembre iti agdama a tawen.
Inlawlawag ni Montoya a makipaspaset ti Simbahang Katoliko iti protesta kontra korapsion agsipudta, apektado amin a tattao.
Kabayatanna, maangay ti Tribune Protest dagiti Katoliko intun November 30, 2025.
Sigun kenni Montoya, makipaset dagiti mangkayat, Katoliko man dagitoy wenno saan.
Inyunay-unay met daytoy a natalna ti isayangkatda a protesta ken awan ti mapasamak a kinarangas.//mp4
