Imbilin ni President Ferdinand “Bongbong” Marcos, Jr. kadagiti mammanday-linteg nga ikanda iti prayoridad ti pannakaipasa ti linteg a mangikat iti travel tax ken papartakenda ti panangipasa ti political dynasty bill iti pagilian.
Sigun kenni Communications Undersecretary Claire Castro, namnamaenda a maipasa dagiti dua a gakat sakbay iti panag-adjourn ti Kongreso inton Hunyo iti agdama a tawen.
Naipakaammo metten ti bilin ti presidente iti 3rd Legislative Executive Development Advisory Council (LEDAC) meeting idiay Malacañang. // Bombo Karen Calpoe Sapirao